ZENESISI

ZENESISI

Sapata 1
Gotibamubo bukibuki namo lohie

^Genagamo fusafasa'amo Gotibamubo igopamo
okulumabo buki namo lohie. ^Igopamo nokopa auva gavabo
huna a'haneva ligibo vato auva gavabo huna hane.
Lapogomakobo sipi nitobo aona sau huna hanegana Goti Aune
Me'amo ona nikovetulobo vulona ofona hie. ^Noseganahebo
Gotibamubo gobo lio higana gobo lie. '*G6bo lina halegana
golona soko hema bosebo mogagamo aie. Hulona gobo lite
na'ese hanebo hute na'esebo lina hetama aie, ^Gobo lite bosebo
gi'aonahebo fegafegae huna gi'aolona lapogohebo hane'inagae
huna gi'aolo hie. Hanebo hulona gobo lima bosebo naba vani
vitabo hane.

^■^Hulona Gotibamubo nahuna hie: Hatamo faina laga
henagana nibo ole haopalogamo hanogie huna. Hima bosebo
nibo lina hetama aina vehilogamo hanolo avetogamo hanolo huna
hane. ^Nagi faina laga huna hanema hatahebo okulumanae huna
gi'ae. Hanebo hulona gobo lima bosebo naba tu vitabo hane.

^Hulona Gotibamubo avetogamo hano'ema nisebo vuka
haopa bogotogamo aoka ligi henagana hau hisima haopamo folo
aigie huna higana folo aie. ^^Nahuna folo aema haopahebo
igopae huna hulona vuna aona ligi hema nisebo solovalanae huna
gi'ae. Hima gelobo belema bosebo golona soko hema bosebo
mogagamo aie. ^^Hulegana Gotibamubo igopahebo vatovato
auva zavamo gavomo dotenamo lika folo aio huna hima gelobo
bolona lina folo aie. ^ ^Vatovato zavamo gavomo dotenamo
naMgopalobo folo aegana golona soko hema bosebo mogagamo
aie. ^ ^Hanebo hulona gobo lima bosebo naba till vitabo hane.

^^Hulona Gotibamubo ganibo folo aika okulumatogamo
hanoloka fegafega'ese hane'esebo lika vatovato huka pa'ato
huna. Gaimo fegafegamo gavugamo aina vatovato gana'esebo
lake paeno huna. ^^Okulumatogamo folo aileta igopavinagamo
ganibo aeo huna higana ganibo ae. ^ ^Gotibamubo nahuna sipi
ganibo olemo lina folo aie. Sipi'amo zegemo fegafegamo ganibo
aesemahebo hanolo havana'amo gaimo hane'inagamo ganibo
aesemahebo hane. Hulona geneve'esebo lohie. ^^Naganibo

Sapata 1 6

okulumatogamo potonahebo igopavibo ganibo aesamahebo pete.
^^Fegafegamo zegemo lesigana hane'inagamo gaimo
ohlsimahebo vatovato huna hane'ese halote na'esebo pa'ate.
BukI namo soko hema bosebo golona mogagamo ale. ^^Hanebo
hulona gobo lima bosebo naba fo vitabo hane.

^^Hulona Gotibamubo nahuna hie: Solovala nipibo
vatovato auva namo fahaevabo hanote namo havaiteo huna.
Namazuva'esebo fofo aileta okulumatogamo haleli haleli hio huna
hie. ^^Gotibamubo nahuna legepa fazabo lohulona vatovato
auva fazabo fenimo huna solovala nipibo pete. Potolona
vatovato auva namazuva'esebo lohie. Lohulona gemana soko
hema bosebo mogagamo ale. ^^Hulona Gotibamubo soko huna
petesema gemo bogo fahapaie. Fahapainahebo pagaemo
sotovaiapinagamo bademo lita petesagana vida eda hida
havaiteno huna. Hileta pagaemo namazuvamo la'amo
maMgopavibo folo aeo huna hie. ^^Hanebo hulona gobo lima
bosebo naba faefu vitabo hane.

^^Hulona Gotibamubo igopahebo nahuna hie: Vatovato
auva hamuzagamo fahaevaebo hanote namo lika folo aio huna.
Zotoga hamuzagamo legepa*amo havana'amo gavovinaga namo
gavadagalemo havana na'esebo lika folo aio huna higana folo
aie. ^^Gotibamubo lina folo aemamo zotoga hamuzagamo
gavovinaga hamuzagamo legepa'amo havana'amo lina folo aie.
Folo aema namo golona soko hema bosebo mogagamo aie.

^^Hulona Gotibamubo nahuna hie: Hemetimo zademo
lagaeti*akata huta lohenagana lagaekata hida habeiegae huna.
Lohuta petesopa zademagimo fazatobo namalobo hamuzagalobo
igopalobo hano'ema nalobo buki nalobo gava higae huna.
^^Hulona Gotibamubo vemo abo gae'agakata huna lohie.
^^Lohulona soko huna petesema gemo hunahebo pagaemo
vavulita bademo lita petenagana vida eda hida buki haopalogamo
baileda gava higae huna. Fazabo namamo vatovato auva
hamuzagamo potomamo pagaemagilamo gava hisamahebo potoe
huna. ^^Hulona Gotibamubo nage'esebo hie: Dagaemo
pumumamo vatovato auva zavamo gavomo dotenamabo
laga'amo haolona folo aesima namo pumue huna. Pumumamo
pagaemo desamahebo pumue huna. ^^Pumuma bolava
hamuzagamo namamo hida desamahebo aigava sagava
zavasamo gavomo pumue huna. Gotibamubo hima gelobo
bolona folo aie. '^^ Gotibamubo buki namo folo aema namo
golona soko hema bosebo lusi huna mogagamo aie. Hanebo
hulona gobo lima bosebo naba sikisi vitabo hane.

7 Sapata 2

Sapata 2

^Nahuna hima gavababo Gotibamubo okulumabo igopamo
buki namo hano'ema na'esebo lohie. ^Lohulona naba seven!
ganavibo Gotibamubo gonahebo buki fozamo suhema bosebo
a'aina vitabo femo bale. ^Hulona naba seveni ganahebo vato
auva ganadimo hane huna. Buki salevitibo dagae sip! ganadimo
hanogie huna. Bukibuki namo lohuna suholona navitabo femo
baema bosebo hie.

"^Nahuna hima gavatotikobo Gotibamubo okulumabo
igopamo bukibuki namo Una folo aie.

Gotibamubo Ideni fozamo Una folo aie

Sipi Demo Gotibamubo igopamo okulumabo Una folo aema
vitabo ^zavamo gavomo a'hane. Gobo aigie asulo zademo
fozamo vaeda desama zademo abaile hama bosebo a'hane.

Sapata 2 8

^Navitabo gobo a'aima boiava buki haopaloga Igopavitibo betlmo
hogona ohilona na'igopavibo vuna ona hie.

^Sipi Demo Gotibamubo igopamo lilona vemo Una lohie.
Hulona gotavibo fuvu higana haevabo lilona aune mebo lie.

^Ideni haopalogamo Sipi Demo Gotibamubo fozamo bogo
Una folo aibele. Zegemo no'ohema haopalogamo lina folo aema
fozavlbo lohema demo te. ^Tolona igopahebo vatovato zavamo
Ilka folo aio higana folo ailona soko dote laga'amo hae. Bukibuki
zavamo soko zavagobo hanema folagapibo ole zavamo hane.
Hanema zava olivitibo bogo zavamo baige baige paune pemebo
pimite zavamo hanolegana bogo zavamo soko gavatogamo
ho'asima gavatogamo havite zavamo hane.

^^Bogo nibo betimo hogona folo ailona Ideni fozavibo
llmina vuna ona hulona gopaona fo'amo limie. ^^"^^Naba
vanimo gopaema niba gi'amo Pisoni nibo limJna Havila
haopalogamo aina vego hima haopalogamo soko gdlimo hane.
Hulona zavama ni*amabo soko tumo no'aema zavamo hanolo
zavabo bina'amo haina gasao'ema zavaba gi'amo kanlliani
zavabo hane. ^^Naba tu niba gi'amo Gihoni nibo limilona aina
vego huna KusI haopalogamo limie. ^"^Lemegana naba till niba
gi'amo Taigllisi nibo llmina zegemo no'ohema haopalogamo
Asiliabo llmilegana naba fo nibo gi'amo Zufeletisi nibo hane.

^ ^Hulona SIpl Demo Gotibamubo lohema demo gavailina
vuna Ideni fozavibo te. Ma'aina fozalobo gava huna
baesimahebo. ^ ^Hulona nahuna hapaie: Kagaemo buki zavama
laga'amo hava'a dogapa ^ ^boiava kagaemo soko gavatogamo
ho'asima gavatogamo havite zavalaga'amo ado huna. Kagaemo
desapamo haebo filigane huna hapaie.

^^Hulona Sipi Demo Gotibamubo nahuna hie: Mademo
gae'amo bogokotomo baemamo soko asima bosebo bogo
valo'amabo lohuda menagana habaogie huna. ^^'^^Hulona
igopamo lilona hamuzagamo namamo lohulona nadelogamo
pagavailina vie. Pigimo pemesimahebo pagavailina vigana
bogoko bogoko hamuzagamo namamo pigimo pimie. Pigimo
piminisebo zotoga hamuzagamo pimilona gavovinaga
hamuzagamo pimilona namazuva'esebo pemema pigilokobo
no'aone. Hima boiava lokaeda'a baileda*a habaesema gonogobo
abaie.

^ Sapata 3

^^Hima bosebo Sipi Demo Gotibamubo navekamo sipl
aubo megana haona fili'egana hao'izapa apuvamo lilona lima
aovamo faganina te. ^^Faganina tolona Gotibamubo lima
apuvalotibo abo lohulona vedelogamo gavailina vigana ^'^na'abo
golona hemetinae huna. Davalodimabae huna. Apova'amo
dagae dapovadilotibo folo alio me'amo dagae demedilotibo folo
ailo hima bosebo alae huda gi*aogue huna. ^^Hima bosebo
vemagimo abo lileda ita'inamagi avo'inamagimo peteleda eda
a'ina'esebo bogoko pauvamo ne'habalae.

^^Na'itotolimo bogo namo pa'aovalobo a'hanema bosebo
pa*auzamo asie.

Sapata 3

Gotf gemo beg eda 'a tala 'ae

^Sipi Demo Gotibamubo bukibuki hamunamamo lohema
bolava bogo hamunamamamubo gava.dagalemo pegeta faite

SapataS 10

nalogamo gasaesama'amo ligibo abaie. Higana gavadagale
demamubo a*aina asebo nahuna loka huna havie: Gotibamubo
fa'ahapainisebo bukibuki zavamo ma'upavibo hano'ema
zavalagamo ade'eo huna hu'lvie huna. ^Higana na'abamubo e*e
huna. La'agaemo buki zavama laga'amo ma*upavitibo dogu'ae
huna. ^Hima bolava folagapibo hano'ema zavama iaga'amo
ade'eo huna hulona pa'anotamo lige dege hisa'amamo fililega'ae
huna hu*ie huna. "^Higana gavadagale demabo e*e huna.
Pa'agaemo afiliga'ae huna. ^Hiva Gotibamubo havinlsebo
pa*agaemo zavalagamo desa*ama vitabo pa'agetamo hakalo
huna pa'atenagatina'a haveta'ahebo soko gavatogamo ho'asima
gavatogamo havega'ae huna. Hileta'a pa'agaemo gae'akata
hita'a havite bosebo a'haigana nazavama laga'amo ade'eo huna
hu'ie huna.

^Higana na'abamubo nazavamo gonlsebo soko laga'amo
desuma laga'amo hane huna ge. Golona getamo havlnisebo
soko hu'imagada doloda buki navinagamo havigue hulona ligina
dolona ete'a'esebo megana de. ^Da'ama vitabo pa'agetamo

1 1 Sapata 3

hakalo hegana geda'a aeto hida'asebo la'aovakapakobo bai'u'ae
hida'a geda'a aeto ha'ae. Hileda'a tiki zavama sa'amo
faganlleda'a pa'aovalobo bozobo valoo aaemo diqo ha*ae.

^Hileda'a aute'amo foiomo llgana haveda'asebo Sipi Demo
Gotibo nafozavibo no'humonegana havileda'a aMa'agogle
hileda'a zava aepavlnagamo vida'a falaki'ae. ^Falaki'a'agana
Sipi Demo Gotibamubo vedehebo ge'aona halza bal'ane huna.
^^Higana vedemamubo Goti ge'alobo nahuna hapaie: Dagaemo
havidisebo kagaemo upavinagamo no'humoninagada domotomo
aema bosebo falaki'ue huna. Dagaemo daovadapakobo bai'uma
bosebagadae. ^^Higana Gotibamubo nahuna loka huna havie:
Gabamubo hagapaegaka daovadapakobo bai'ue huka havi'ane
huna. Dagaemo dagalu*ae huda hu'uma zavalagamo ligika
do'apie huna. ^^Higana abo tohuka dimiloka kavalokamabae
huka hu*apa abamukobo a'aina zavalagamo demegada do*ue
huna. ^"^Higana Sipi Demo Gotibamubo nahuna a'aina asebo
toka huna havie: Haiza gava higaka nagavabo hane huna.

Sapata 3 12

Higana gavadagale demamukobo huna dimibelegada zavalagamo
do*ue huna hie.

Gemo biglma zuvahebo Gotibamubo nagemo hu'ie

'^Sipi Demo Gotibamubo gavadagaiehebo nahuna hapale:
Nahuka ho'asima gavabo hapa bosebo hakeli*a gemo huda lida
faipa huda kotogue huna. Gatamo lisapamo bogo kaiga
hamuzagamo pagasaoka bogo'e gatamo ligane huna.
Hemetrese henaga'a'esebo kaipalotikobo botoka falaika vulo oio
nosuka igopaviti bumusopamo dogane huna. ^^Dagaemo
hinagatlna'a kagae'ese na'a'esebo gamemo baega'ae huna.
Baileta'a kagae badelubagimo na*aba badelu'esebo gamemo
baegae huna. Nosenaganahebo na*aba bademamubo latakamo
aona lali paenagaka aizavibo hanigane huna.

^®Hulona Gotibamubo na'asebo nahuna hapaie: Dagaemo
hinagaka kagaemo kaipa'ebo baesapa vitabo sipi gatamo ligane
huna. Bademo lika tesapa vita'esebo sipi kagavubo kigima
bolava sipi huna etekahebo hagaenagana gava huna kotogie
huna.

^^Hulona Gotibamubo Adamusebo nahuna hapaie:
Kagaemo akama genio haviloka dagalu'ae huda huma
zavalagamo ligika dane huna. Hapa bosebo hemetimo dagaemo
igopamo lida faipa hinagana dotenamo soko huna folo a'aigie
huna. Buki vitabo kapovamo boloka fozamo linagana desapa
dotenamo folo aeno huna. ^^"^^Ufe'afe gavumo hepa gavumo
fozakavibo ligina aona sau hugie huna. Hinagaka hakeli'a
fozamo linagana kalemo no'aenagaka dotenamo lika folo aika
dogane huna. Nahuka hakeli*a fozamo limo vuka felenagana
igopavibo geli vaeda keteno huna. Igopalotibo lohuda kotoma
bosebagakae huna hie.

^^Higana vemamubo asebo Ivi'ae huna gi'aemamo buki
veademagi itoto'inamabo baesima bosebae. ^^ Higana Sipi Demo
Gotibamubo galema aova'alotibo pa'aovalo namo lohuna
Adamukene nalu'amakenebo pa'amegana kalo val'ae.

Gotibamubo Adamukene Ivikenebo nafozavitibo
fa 'ahavafna pa 'ateie

^^Sipi Demo Gotibamubo nahuna hie: Navekamo soko
gavatogamo ho'asima gavatogamo havema bosebo lagaekata
huna habele huna. Hima bosebo lagaemo gota telenagana vuna

13 SapataS

baige baige paune pemebo pimite zavama aova'alobo a'vugie
huna. Nazavama laga'amo ligina dolona baigo balgo huna
bailogimagatae huna. ^^Nagemo hulona Slpi Demo Gotibamubo
IdenI fozavitibo havaina tele. Havaina telegana vunahebo
hegotona lina lohuna to'ema igopalobo bailona na'lgopafobo
fozamo valfona fozamo hakalesemahebo havaina tele.
^"^Gotibamubo navegene akenebo fa'ahavaina pa'atololona
hakeli'a enisolemo leke palgana vida zegemo no'ohenna
haopalogamo baileda Ideni fozalobo zagaeda bale. Hulona
hagitalobo halemabo ganibo ao*ema hagitamabo ailona hagalae
ailona huna baesimahebo bele. Na'enisolezuva'ese hagita'ebo
nafozalobo zagaeda bai'enagana bogo zavamo baige baige paune
pemebo pimite zavama aova'alobo a'visamahebo petegana
zagaeda baie.

This book has been translated and published by New Tribes Mis-
sion. Please do not reproduce or copy in part or whole without

ui#ritton rnncAnt.

Printed by

New Tribes Mission-Publications

P.O. Box 1079, Goroka, E.H.P.

Papua New Guinea

1991/500